Jakobus 1:5
En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word.
Kort jy vandag wysheid? God het ‘n uitstekende offer gemaak wat jy nie kan laat gaan nie. Hy sê dat jy Hom kan vra vir wysheid en Hy sal vir jou gee. So vra… maar wees bereid om te reageer op wat Hy vir jou sê. God offer nie wysheid as ‘n opsie om te oorweeg as dit vir jou gerieflik is nie. God is nie ‘n lid van jou raadgewers komitee nie. Hy is jou God. Sy wysheid is waarheid. Jy moet reageer op sy wysheid as jy wil hê Hy moet vir jou meer gee.
Jy moet na God toe kom met ‘n vooropgestelde gedagte om te gehoorsaam. Moenie vir Hom vra wat Hy wil hê jy moet doen en dan besluit of jy gaan ja sê nie. Begin met ja, dan sal Hy vir jou sê wat om te doen. As jy God vra vir wysheid, maar dit kom voor of die hemele stil is, dan moet jy vir jouself vra, “Leef ek volgens die wysheid wat God reeds vir my gegee het? Was ek skuldig aan gedeeltelike gehoorsaamheid?” Hoekom moet God vir jou iets sê as jy Hom ignoreer vir iets wat Hy reeds vir jou gesê het?
God gee uit genade wysheid, “sonder om te verwyt.” God sal jou nie uitskel of jou dom laat voel omdat jy dit vir Hom gevra het nie. Hy wil vir jou wysheid gee omdat Hy lief is vir jou en omdat Hy die beste vir jou wil hê. Maar Hy wil hê dat jy in geloof vra. Jakobus gaan verder en sê jy “moet in die geloof bid, sonder om te twyfel;” en nie dubbelhartig wees nie (vers 6-8). Jy moet God vra vir wysheid en glo dat Hy die wysheid het wat jy nodig het. En jy moet vra met heelhartige vasberadenheid om te leef volgens die wysheid wat Hy vir jou gee.
No Comments